【安心出軌】安仔向Big Four道歉 蘇永康：呢件事女士難接受

蘇永康接受電台訪問，重提他於2002年在台灣因涉嫌服食及藏有搖頭丸，被判入看守所觀察勒戒19天一事，問及曾否擔心事件會令他不能再站起來？從來不避談往事的蘇永康坦言，有信心自己不會就此完了。他續道：「記得當年6月返嚟開記者會，會後收到羅文（Roman）打嚟嘅電話，佢話：『點呀你？我好掛住你！』我哋兩個大男人拎住電話喊，咩都講唔到。我話Roman請畀時間我，我會返嚟見你。」後來蘇永康再到台灣，並在8月12日回港，但羅文已經在瑪麗醫院不肯見蘇永康了…他非常遺憾見不到這個愛錫他的前輩的最後一面。另外，蘇永康表示很感恩，2007他在台灣辦了一場演唱會，因為反應好而最終開了兩場，他當時特意在觀眾席最上排位置設立一個小舞台，並在那裏開始演唱，邊唱邊走到中央舞台，寓意自己重返舞台。
談到Big Four成員許志安（安仔）最近的「安心出軌」事件，蘇永康當時的回應是希望安仔及太太鄭秀文（Sammi）「拖住手」經過呢件事，果然讓他猜中。蘇永康說：「Sammi好快應咗我，安仔係個需要沉澱嘅人。安仔後來同我哋（Big Four）講對唔住。我話『你傻㗎』？2002年我最低潮嘅時候，每朝早8點你帶住滑板搵我去滑水，當年安康演唱會因為我嘅事拖慢咗票房，你對我不離不棄，依家點可以講呢啲？我哋係30幾年嘅朋友，我當然對佢哋（安仔及Sammi）有信心。的確，呢件事女士難接受，但佢哋有信仰一定會過到。9月安仔取消演唱會，其實佢都需要休息，至於Sammi一定會好勇敢、好專業咁演出。Show must go on！」被問會請這兩位老友來欣賞他的演唱會嗎？蘇永康大笑：「如果我真係請佢哋嚟，佢哋又肯嚟，大家係睇佢哋定係睇我呢？」