陳秀雯與小朋友拍戲：我係會嚇小朋友

陳秀雯早前為ViuTV新劇《教束》趕工，她表示為配合校園實景，要加快速度拍攝，「因為要配合學校假期拍攝校園景，其實今次對手的同學仔都真係好好，同劇本想像好相似，而且佢地都表現到團火比我，好想做場好戲。其實演戲真係要有動力，否則係一份好辛苦的工作！」

陳秀雯表示多年來經常與小朋友拍戲，所以不擔心對手「扭計」拖慢進度：「我拍過好多小朋友做戲，有時做我的兒子、細佬等等，劇組只要揀得好就冇咩問題架。而且我係會嚇小朋友，不過又唔會嚇喊佢地，所以溝通上冇咩問題。」

陳秀雯又指踏入中年後，開始與同學聚會想當年：「去到4、50歲，可能大家開始冇咁忙，我記得大家30年後再碰面，大家驚訝時間唔知去到邊，但大家停留中學的情懷，感覺真係好大！」