預告同何廣沛4唇疊埋 馮盈盈再集氣收40點嫁做醫生太

馮盈盈與何廣沛宣傳新劇《白色強人》，面腫腫的盈盈透露近日剝了兩隻智慧齒，笑言智慧太多。問是否剝牙改善懶音？她笑說：「唔關事，但早前的預告片又被捉到錯處，證明大家好關注我，我會首播開Live重讀100次，努力改正、面對錯誤。」

盈盈與廣沛在劇中演一對，獻出了螢幕初吻，提到在《果欄中的江湖大嫂》已有吻戲，她澄清：「嗰套有借位，呢套冇花冇假，4塊唇疊埋一齊。」盈盈笑指廣沛很貼心，因當晚寒風勁，為這場戲搽了不少潤唇膏。問會否批准男友「寶寶」睇這幕戲？她笑言會正面面對，更建議打住邊爐睇，「打得火熱」。問廣沛可會帶同緋聞女友朱晨麗一齊打邊爐？他說：「朱智賢呀？佢係同劇演員。」
盈盈明日（6月10日）25歲生日，她笑言：「仲係我新屋入伙，同寶寶嘅第一晚！加埋套劇首播，係三喜臨門！」廣沛建議一眾演員為她House warming（喬遷派對），盈盈推說是「蝸居」；廣沛即笑說：「我能屈能伸，企喺度睇便可以。」盈盈再報喜男友剛考醫生專業資格試合格，感謝大家集氣。提到很快便可做「醫生夫人」？盈盈笑言想再一次集氣，為劇集衝40點收視！廣沛笑說：「我之前好辛苦先30點，你目標40點是否唔想嫁？」