【Kelly Online】斥女上司「著姣pink想引邊個」斷正 網民嘲多嘴同事自作自受

所謂「隔牆有耳」，即使要講人是非，亦要注意四周環境，尤其是在辦公室！有網民分享同事「衰多口」的經歷，私下討論女上司身穿粉紅色衣服上班，質疑「著件姣pink衫返嚟，唔知想引邊個」，卻被女上司親耳聽見，結果翌日被調到與女上司同坐。

據facebook專頁「奴工處」帖文所示，女上司坐該名多嘴同事對面，但因為她身材矮小被電話屏幕遮蔽。有天同事以為她不在位子，便突然頗大聲向樓主稱，「阿姐今日着件姣Pink衫返嚟，唔知想引邊個？」

女上司當時沒有出聲，只是默默行開，最後收工前女上司找該名同事「單獨傾計」，翌日便被調到她旁邊坐。

網民紛紛嘲笑該名同事自作自受，干涉別人衣著不智，即使真的想勾引人亦不需要交代、「自己口臭在先，職場講人壞話預咗俾人知」；也有人認為二人一早搭上，「做場戲比你地睇，咁咪名正言順坐埋一齊日日姣囉」、「 所以同事被阿姐私有化（工作上）」。