張振朗反串似松松姐姐 宣萱Mall姐上身惡鬥蝦姐

宣萱夥拍楊詩敏（蝦頭）和張振朗為美容纖體中心拍宣傳短劇，在頭炮短劇《不懂去斑的女人》中，蝦頭飾演「蝦姐」，張振朗就反串做Cherry，二人大打出「口」，宣萱即Mall姐上身，一開聲二人就停戰了。
對於張振朗反串做女角，宣萱和蝦頭大讚「靚女」，宣萱笑指女裝振朗靚過做男仔；蝦頭則指振朗靚過好多人，更激似松松姐姐（陳松伶）。振朗也自豪說：「我覺得自己可以開拓另一個市場，就係美容界做代言人。」被蝦頭笑指在搶馬國明飯碗。
宣萱和蝦頭同場，除大放笑彈，還「互戴高帽」。宣萱說：「她演繹的蝦姐是搞笑版，我是惡版。我在化妝時候，聽到她講：『I don‘t care』，她是說得好好笑！其實搞笑不容易，是最難！剛剛蝦頭在笑的時候，我聽到把聲就已經覺得好好笑。每一個人都有強弱項，搞笑是偏向我的弱項少少。」
蝦頭就大讚宣萱人靚，而且完美，「她是Mall姐，我是蝦姐，其實學她說話好難，她講得好快，但係字字珠璣、字正腔圓，沒有尾音的。」宣萱亦分享護膚心得，說：「我覺得女人一定要keep，當然有天生靚女，但到一定歲數的時候，勤力是重要過一切。好多人見到我，覺得我不似咁嘅歲數，但我背後做咗好多事情，人哋是不知道的。」