親自落手教變髮術 林作見佐治嗌過癮

無綫處境劇《愛．回家之開心速遞》中的補習天王「佐治」，一頭凌亂頭髮和衣著造型，都被指影射林作，引來網民不少迴響，就連林作本人亦在社交網表示：「你扮我呀？」
飾演「佐治」的張明偉，為了令角色更出神入化，他決定親自拜會林作取經，林作則親自落手教授張明偉「變髮術」。林作坦言對「佐治」感覺過癮，說：「我鍾意個角色無論螢幕上甚至真實世界裏有少少神經質，係有少少嘢，我覺得活喺世上或劇集裏面角色咁樣反而對我嚟講吸引啲。」