【鐵探報捷】「萬晞華」找數 惠英紅笠絲襪扮安全套去買包

無線劇集《鐵探》早前播出的大結局收視高達33點，主角之一的惠英紅（紅姐）曾承諾若收視達33點，會在鬧市用絲襪笠頭扮安全套「快閃」。向來「牙齒當金使」的她今日下午在facebook直播「找數」，直言「最緊要開心」，並點名「Bingo」姜浩文（黑仔）記得「找數」。

片段所見，一身便服打扮的紅姐現身將軍澳港鐵站外。她說：「我萬晞華（劇中角色）到咗一個地鐵站，依家就嚟找數，其實我萬晞華講嘢一定要算數嘅，如果唔係我點樣管治西九總區呢？除咗我找數之外，我記得當日記者會，姜皓文......黑仔都有話過佢找數嘅，好喇！黑仔我正式Call你喇，睇你喇，我依家就入去找數喇﹗」

紅姐隨後拿出藍色絲襪笠頭，擺出嬌俏甫士，其同行人士說：「真係講得出做得到呀﹗」紅姐步入港鐵站後，先到一間麵包店買麵包，之後再在港鐵站內行了個圈，她笑稱：「我覺得最緊要開心，如我將自己開心SHARE出去幾好吖，我找咗數喇，姜皓文，交個波畀你喇。」