Twins旅行賀出道18年擺烏龍去錯酒店　阿Sa：笑爆嘴！

2019-05-15 12:48

蔡卓妍（阿Sa）昨相約她姊姊鍾欣潼（阿嬌）出發到日本，展開「話走就走之旅」，慶祝Twins出道18周年。今次旅行兩人都撇低另一半，結果到埗Shopping後即擺出大烏龍，就是去錯酒店。阿Sa更笑言：「唔係麗晶酒店，係麗晶大賓館」。

阿Sa凌晨在社交平台上載她與阿嬌搭的士途中的短片，片中她尷尬地左望右望，自爆：「勁搞笑囉！我哋啱啱今（昨）日一到埗，跟一住一到埗即刻去行街，而家凌晨1點幾，啱啱去酒店check in，點知我哋去錯咗酒店。」此時阿嬌點點頭笑說：「有誤會！」阿Sa即大笑續說：「同（酒店）嗰個人講咗勁耐，佢一路係咁話冇我哋個名，跟住我哋一路堅持，冇可能架。」阿嬌則說，「都話食飯前去check咗in先啦！」阿Sa笑指今次真的「笑爆嘴」。

另一好姊妹容祖兒就留言笑她們：「我一唔喺度就出事啦！」阿嬌自嘲：「2個『阿毛』去旅行！烏瀡瀡。」楊丞琳亦留言：「你們好搞笑，可愛」。