顏汶羽學沖奶茶最緊要「六寶」

很多上班一族朝早開工前都喜歡飲奶茶醒醒神，民建聯觀塘區議員顏汶羽（Frankie）亦不例外，仲話自己唔飲嗰段日子，會周身唔舒服兼頭痛。要沖一杯好飲的奶茶非常考功夫，為了解點樣沖到一杯香、滑、濃的港式絲襪奶茶，他日前專程去工聯會上堂學沖奶茶。

根據Frankie所學，沖奶茶須準備「茶六寶」，即是茶壺、茶袋、茶葉、水、奶同杯，茶葉不能只用一款，一定要「撈」，撈茶要用粗茶、立頓茶同幼茶，它們各自在出味、香味同茶味都有優勝之處。之後就可以煲茶十至十五分鐘，煲好就撞茶四次，令苦澀味在空氣中揮發。最後，在杯中先落一份奶，後落三份茶，大功告成！自己沖的奶茶是否特別好飲呢？Frankie就話，要搞咁多工序，都係出街飲好過自己沖。

維港會