陳克勤派「三寶」　利是封最搶手

仲有個多星期就過年，立法會新界東議員陳克勤聯同黨友，連日落區去粉嶺、上水擺街站派發「賀年三寶」：揮春、口罩及利是封，祝市民、街坊家庭幸福、身體健康、壯健如牛！

陳克勤過去年年都會大派揮春、利是封，街坊排晒長龍拎。不過，今年因為疫情，為免違限聚令，就派埋口罩，但暫時都未在場即席寫揮春，怕令人群停留太耐。克勤同盧駿講，以往一年都寫五六千個福字揮春，分發到十多個街站派，今年就可能寫一二千個，他會在辦公室寫好福字，等乾，再拿去街站派。

不過，陳克勤話，數到最搶手的非利是封莫屬，除了因為銀行少派咗畀客，他派的利是封設計夠靚，有合家歡迎春賀年Q版圖案，啱晒街坊心水。

維港會