容海恩孖黃偉綸霍啟剛戰新單車徑

全長六十公里的屯門至馬鞍山單車徑上月底全面開放，新民黨立法會議員容海恩（Eunice）昨日趁着風和日麗，相約發展局局長黃偉綸、土木工程拓展署署長劉俊傑、港協暨奧委會副會長霍啟剛實地踩單車體驗一下。黃偉綸透露，自己過去分段體驗單車徑其中幾十公里，差少少就踩晒全條單車徑，獲Eunice大讚非常「貼地」。霍啟剛就話，讀書時成日玩山地單車，好開心Eunice約他來「初體驗」。　

　Eunice形容單車徑幾有挑戰性同娛樂性，不過就有十大「伏位」，包括單車徑沿途推單車多過踩單車、黃膠柱密麻麻，導致車路窄驚險多等，她當然要趁機向黃偉綸反映，希望政府積極跟進改善。她又向局長建議增設單車地圖同應用程式，方便車友出行同推廣本地遊，如果加埋AR（擴增實境）就更好。黃偉綸就多謝Eunice的建議，承諾會努力跟進。

維港會