葉劉旗袍慶中秋 EQ化身嫦娥 政黨出盡招數 猜燈謎出漫畫

2020-10-02 08:05
劉淑儀上載百變旗袍相,又在相片旁邊加上慶祝中秋的字句。
劉淑儀上載百變旗袍相,又在相片旁邊加上慶祝中秋的字句。

昨日是國慶兼中秋,雙喜臨門的日子,各個政黨為與市民慶祝佳節都花了不少心思。當中最吸睛就係新民黨主席葉劉淑儀的百變旗袍相,她足足換了四套旗袍,又在相片旁邊加上慶祝中秋的字句,包括「祝花好月圓」、「但願人長久」、「千里共嬋娟」等,其中一張相仲拎住個月餅,問網民「你食咗月餅未?」另一邊廂,民建聯葛珮帆都唔執輸,她傳了一張中秋賀圖畀盧駿,入面化身成天上的嫦娥,抱住玉兔,祝大家國慶中秋快樂。

另外亦有不少議員選擇擺街站跟市民同慶,好似經民聯梁美芬昨早去完國慶酒會就立即落區見紅磡街坊。民建聯主席李慧琼亦聯同顏汶羽等人落區,同街坊一齊為國家生日寫上心意和祝福。黨友張國鈞帶領的「港島鈞團」三位才子,社區幹事劉天正、陳凱榮同張偉楠就專程去立法會,搵一眾民記議員挑戰猜燈謎。其中三子以謎面「三張紙,猜一字」考起柯創盛,他們即提示道:「紙就一頁頁、三頁紙。」柯創盛諗咗陣就答到謎底係「順」字,仲祝願國家同大家都順風順水。

不過最實用都係工聯會麥美娟的四格漫畫,分享中秋防疫小貼士,醒咗四招畀網民,分別係避免人群聚集,賞月記得保持社交距離;要洗手先好吃月餅;與家人朋友聚餐盡量使用公筷;仲叫大家回收月餅盒或留起用作擺放防疫物資,唔好做大嘥鬼啊!

維港會

張國鈞帶領「港島鈞團」搵柯創盛猜燈謎。
張國鈞帶領「港島鈞團」搵柯創盛猜燈謎。
麥美娟的防疫四格漫畫。
麥美娟的防疫四格漫畫。

最新回應

關鍵字

相關新聞

熱門文章