大圍街巿有冷氣 EQ容海恩率先視察

超過一年的大圍街市安裝冷氣工程，經歷街市全面關閉七個月後，近日終於完成，昨日讓首批檔主重新進駐，十月一日正式重開。民建聯議員葛珮帆（EQ）同新民黨議員容海恩（Eunice）昨日分別到場視察。　

EQ認為，街市裝修之後寬敞咗好多，不過仍有改進空間，例如指示牌竟然會遮住檔口嘅招牌；坑渠蓋就仍然沿用傳統的長條形，而非網狀設計，擔心食物殘渣跌落去後，會引來鼠患同曱甴橫行。她又提到不少檔主反映，放在街市內的貨品、雪櫃已變壞，需要重新裝修。EQ話，明白政府近期動用好多資源作防疫抗疫，但都會照樣反映，希望當局為檔主提供資助。

Eunice就笑言，大家以後買餸唔使再「焗桑拿」。不過有檔主擔心，街市在疫症之下的人流會比預期少，令檔主收入下降，期望政府可以提供補貼、全免冷氣費，甚至減租等。Eunice就應承，會繼續幫檔主爭取多些津貼。

維港會