口罩脫落話太緊 林鄭除罩答問題

戴住銅芯抗疫口罩的特首林鄭月娥，昨如常在行政會議前見記者，不過她講講吓，就多次用手調整口罩右邊耳的橡筋繩，至回答最後一條英文題目時，橡筋繩突然鬆出來，她想戴都戴唔返，引來鎂光燈閃不停。她不禁尷尬「求饒」，「希望啲攝記唔好係咁影我……我都係要戴返好啲，對唔住啊……可能緊得滯。」她決定除低整個口罩再重新戴，但唔成功，於是向其他工作人員求救「有無一個畀我換？唔知點解突然唔得。」　

林鄭的女副官見狀，立即拎住一袋外科口罩欲上前遞給她。不過心急的林鄭或無為意，索性除低口罩，話自己同記者有一點五米距離，唔戴口罩講野都得。女副官於是煞停腳步行返轉頭，而林鄭答完最後一題後亦急急腳走人。

維港會