的士司機首現身 感謝何君堯幫手

被撤銷私人檢控的士司機鄭國泉，昨日首度現身，自言過去承受沉重心情壓力。他指，自己只是普通市民，感激何君堯律師介入事件，「如果唔係何律師出手幫忙，我都唔知點算。」席間多位記者向鄭國泉發問，他只簡單回應，被問及是否蓄意撞向人群，他指，「依個係有警方嘅調查，如果係有蓄意撞向人群，相信律政司都唔會介入事件，警方亦都會檢控我危險駕駛。」對於會否向雙腿被輾斷少女道歉，他稱「要道歉嘅已經道歉咗，亦都唔需要向你（記者）道歉。」

　　面對記者連番追問，出席同一記者會的建制派人士楊官華吼叫要「以正視聽」，「電視新聞已經睇到，有三個黑衣人喺架車度走出嚟，啲錢係畀人偷咗，鄭國泉先生畀人打到半死，點會係鄭國泉先生揸車撞個女仔？」原本未有正面回答的鄭國泉在記者一再追問下，和應楊官華指他沒有開車撞人的說法，「楊生只係講電視所見到嘅事，但依個係事實，我係認同楊生所講嘅野。」

　　鄭國泉早前向許智峯追討八萬訟費，他在會上表示生活拮据，承認是破產人士。惟他曾獲建制組織捐款五十二萬，被記者質疑有否申報，「我唔需要同你回答，我同破產署交代咗」，並否認有收捐款。

維港會