容海恩抗疫在家修補撕裂

今屆立法會期完結，選舉押後一年但未有確實處理方案出爐，新民黨副主席容海恩（Eunice）話自己樂得一身清閒。近排香港第三波疫情爆發，她響應政府呼籲，在不需工作的時間，多留家中湊女，更落手落腳做起家頭細務，由搬梯換燈膽到修補牆角裂痕都一手包辦。　　

Eunice非常貪靚，係屋企都要盛裝打扮，相片可見，她身穿一襲藍色露肩連身褲，輕鬆坐在地上修補牆角。咪以為Eunice隨便補、搞搞震，原來她在修補裂痕都算是半個專家，皆因她早於二○一八年跟隨專業人士上堂學習處理滲水問題，更成功畢業獲取初級證書，這些小事做起上來自然有板有眼。

她又教盧駿一招秘技，話補牆不需要展開大工程，用一支普通防水補牆修復膏掃一掃就得。Eunice補牆就拿手，面對家中不同顏色政見，又係咪一樣輕而易舉地「修補撕裂」呢？她就笑言：「小修小補就識！」

維港會