領唱《點解要攬炒》 美芬肉緊

經民聯立法會議員梁美芬昨於社交網站上載約一分鐘、名為《點解要攬炒》的音樂錄像，原來她帶領多位同樣服務九龍西的黨友和友好合唱，包括油尖旺區議會前副主席黃舒明、前深水埗區議員梁文廣等人。這首歌歌詞簡單直接，提到「點解要攬炒？點解要破壞？」又唱出：「香港已經爛晒，我哋乜都輸晒」，然後再繼續反問「係咪仲要攬炒？係咪仲要破壞？」結尾呼籲不如「大家齊心一致，諗諗有無辦法，搞好我哋嘅香港」。MV中亦加插了反修例事件期間縱火、堵路等畫面。

在MV所見，《點解要攬炒》的曲詞分別來自「魯大」同「魯倚」，而梁美芬就話實際係集體創作。該影片上傳約兩小時後，已錄得一萬七千次觀看紀錄，網民評價不一，有人留言諷刺「咁都叫係歌？」、「簡直噪音污染」、「好難聽呀……節奏咁輕快即係想唱出輕佻嘅感覺……即係想點呀？」亦有網民大讚「好聽，好有建設的歌曲，齊鼓掌」、「唱出正常香港人心聲，支持你們！」

維港會