樂●活｜尋找快樂

面對生活、工作壓力，放假自然想笑吓、開心吓！

平時碌手機、睇YouTube，每次睇到POMATO 小薯茄嘅短片，都有一種歡樂、輕鬆嘅感覺，特別鍾情佢哋雪櫃冷笑話、冰戲富 ChingPing、薯茄PartyGame等系列短片，都會笑過不停。今年係小薯茄6歲生日，頻道會由即日至8月31日喺尖沙嘴The ONE舉行「The ONE x POMATO HAPPY BIRTHDAY TO ME!」「生日派對」，商場中庭會布置成以「小薯茄歡樂工廠」為主題嘅派對場地，除了大大小小的歡樂快遞紙箱，還有迷你小薯茄成員「滿場飛」，仲有 5大打卡區域「小薯茄歡樂工廠」、巨型Pixel Art 街機「冰戲富」街霸戰、見字如見人嘅「『你收嗲啦』打卡牆」、最HIT Snapio自拍亭「薯茄Snapio照相館」、召集創意嘅「雪櫃冷笑話」投稿大雪櫃及薯茄粉絲夢寐以求的「Pomato SoFunny Ah」期間限定店，發售期間限定精品嘅薯茄好帽、薯茄傳送Tee、薯茄潮襪、六周年It’s Time應援毛巾、薯茄Party啤！、薯茄口罩、薯茄小Pin及《雪櫃冷笑話》套裝等，發放開心正能量。

提起開心，仲諗起自1972年起一直為歡樂、積極及正能量嘅象徵，於世界不同角落傳播快樂嘅Smiley。太古廣場舉行Smiley 50周年夏日期間限定活動，發放滿滿嘅快樂同正能量。活動由即日至8月21日舉行，有Smiley期間限定「打卡」位、 訂制專屬Smiley手鍊及手機掛繩DIY手作包、挑戰電子互動遊戲，更有一系列Smiley獨家限量商品可供換領。

有得玩自然開心！桌遊Rummikub（魔力橋）好多人都玩過，但係4米闊嘅巨型Rummikub牌架相信大家一定未見過。即日起至8月21日嘅周六日，秀茂坪商場戶外空間會舉行「Rummikub 盛夏嘉年華」， 有4米闊嘅巨型Rummikub牌架等緊打卡，標誌性嘅3層牌架上放置咗放大版數字牌及百塔牌，恍如置身Rummikub內。嘉年華仲有4大以Rummikub為主題嘅有獎攤位遊戲，包括「破冰行動」、「神射⼿挑戰」、「擲個好運」及「Rummikub 急轉彎」，由經典桌上遊戲玩法變奏出有獎遊戲，考驗腦筋靈活度、身手敏捷度和記憶力。

秀茂坪商場及鯉魚門廣場將攜手舉辦「秀茂坪商場 x 鯉魚門廣場 Rummikub 香港爭霸戰」，召集不同年齡組別人士參加，比賽將分為3個組別，包括小童組（6-11歲）、青年組（12-17歲）及公開組（18歲或以上），每個組別的冠、亞、季軍可獲得精美獎座盃、Rummikub 70周年特別紀念版及最高3,000元商戶現金券。

 提起足球，唔單止開心，仲夠晒熱血。杏花新城正舉行「杏運Summer Fun」主題活動，大家可以潮玩3項新興足撞球遊戲，包括「足撞保齡球」、「足球九宮格」以及由法國引入嘅「足撞桌球」。商場更聯同香港遊樂場協會合作，邀請到香港超級聯賽足球員教大家用頂尖腳法，參與各項刺激遊戲，體驗足撞球的樂趣。於8月20、21、27及28日兩個指定周末，更特設由香港超級聯賽足球員執教的新興足球運動訓練班，3位現任香港超級聯賽足球員羅港威、黎格爾及梁星耀會現身，並親自執教部分訓練班，5歲或以上就可參加。

另外，「杏運Summer Fun」活動期間，杏花新城亦與香港西甲足球學校攜手將西甲特色元素融入花式足球表演，並邀請到冠軍級花式足球運動員莫志權及羅國輝，為大家現場帶來另類雙人「西甲花式足球」表演。

今年係樂高品牌成立90週年，秉承「香港周圍玩創啲」精神將會喺11月5至6日一連兩日於西九文化區戶外場地舉行「樂高®90週年玩樂跑」。為一眾樂高迷、家庭及運動愛好者帶來不同動樂體驗，除了設「全速跑」及「玩樂跑」，更加入一家大細都啱玩的「歡樂陣」，將創意元素融入跑步活動，做運動嘅同時亦可挑戰遊戲闖關。活動設個人、朋友和家庭組別，無論是跑步好手，還是貪玩一族，抑或是大人細路都能盡情一齊跑住玩創啲！ 活動由即日起開始正式接受報名，參加者將可獲得全球獨有及極具香港特色的紀念品！

 

「全速跑」召集熱愛跑步和挑戰的樂高迷進行計時賽，分2公里、3公里及5公里個人組別，適合8歲或以上、喜歡挑戰速度嘅跑友參加。「玩樂跑」在路線上設置4個「玩樂站」，參加者可以跑住玩樂高，組別分別設1公里及3公里的個人及家庭/朋友組。「歡樂陣」將戶外定向元素融入樂高拼砌活動， 包括「暈陀陀障礙賽」及「攀登樂高牆」等，更會設置不同趣怪打卡位及其他鬥智鬥力的樂高遊戲體驗，活動更與CSL合作提供AR任務挑戰，設個人及家庭/朋友組， 3歲以上小朋友即可參加。（報名）

作者：Laurie Wu（愛保健愛旅遊愛購物的熟女）
[email protected]