樂●活｜在元宇宙「回到過去」

元宇宙大熱，唔少活動都會加入相關嘅元素。要數大眾接觸元宇宙最簡單的媒介，由一張圖片開始或者由遊戲開始。

海洋公園最近就與香港科技初創開發商AiR World Limited合作，將公園保育工作帶到AiR旗下遊戲應用程式Adventure in Reality（AiR），帶來遊園嘅全新元宇宙體驗。作為大熊貓保育基地，海洋公園邀請大家加入公園推出嘅首個元宇宙遊戲，就係向剛於7月離世嘅大熊貓安安表達心意，以紀念陪伴香港人多年嘅「熊瑞亅。

大家可以喺元宇宙嘅世界化身海洋公園動物護理員，親自照顧大熊貓安安，從中了解更多有關大熊貓這個被《國際自然保護聯盟紅色名錄》列為易危嘅物種。透過好玩小遊戲得知安安生活點滴和相關的大熊貓知識，例如猜猜安安最愛食物，邊玩邊喺虛擬世界中為安安送上「心心」及花束，感謝牠留下無數嘅美好回憶。

另外，大家仲可以親臨大熊貓盈盈和樂樂居所 一 海洋公園「亞洲動物天地」掃瞄二維碼，解鎖遊戲特別版，喺元宇宙中與盈盈零距離互動玩遊戲，體驗親親大熊貓。玩家除咗可在元宇宙完成好玩任務收集遊戲卡和升級與其他玩家一較高下，更有機會贏取海洋公園門票及其他特別獎賞。另外，喺AiR應用程式亦會有「哈囉喂全園祭」為主題嘅遊戲，以及公園吉祥物「威威與好友」的限量NFTs。

透過元宇宙除咗可以懷緬已離開嘅大熊貓安安，仲可以親自設計虛擬化身 (Avatar)，進入全球首個元宇宙珍寶海鮮舫主題展覽！

UFO School 夥拍The Sandbox喺即日至8月14日期間喺K11 Musea舉行Web 3.0 及元宇宙夏日嘉年華。

UFO School夥拍東方盛世喺元宇宙東方好萊塢中建立具有活力嘅文化、教育和保育社區嘅元宇宙藝術展覽區搖身一變，轉化成實體數碼藝術作品展覽。充滿回憶的珍寶海鮮舫在元宇宙珍寶海鮮舫主題區重回香港，大家可以從數碼藝術品中回味昔日珍寶海鮮舫的繁華景象，也可提升親子創作和學習的空間。

大會更同場舉辦首個「元宇宙電影海報」主題展覽，由王延慶博士提供展出多幅經典電影海報收藏，包括李小龍的《猛龍過江》、王家衛的《花樣年華》、《星戰》、《鐵達尼號》、《哈利波特》等。

參加為時45分鐘嘅元宇宙藝術親子工作坊，可以喺The Sandbox元宇宙中設計Avatar，進入UFO School 元宇宙 Gallery之全球首個元宇宙珍寶海鮮舫主題展覽，喺元宇宙重臨參觀充滿回憶嘅珍寶海鮮舫，亦可參觀其他藝術品。之後，更可以即場合照作紀念。而工作坊中完成的數碼藝術品，更可即時獲取Reboot Hong Kong NFT 創作比賽参賽資格，獎金獎品總值高達 $300,000！得獎作品將展示在UFO School元宇宙藝術畫廊，並與The Sandbox合作將此模式喺The Sandbox 平台展示。

大會同時會舉辦Web 3.0及元宇宙研討會，探討Web 3.0及元宇宙於未來教育發展的關係和方向，並透過不同的互動活動及元宇宙展覽，能進一步推廣Web3.0和元宇宙給公眾認識，一同探索元宇宙新發展。

作者：Laurie Wu（愛保健愛旅遊愛購物的熟女）
[email protected]