乐●活｜凉浸浸滋味

天气闷热，好多时都想食啲清凉爽口嘅凉拌小食，开胃啲之馀，亦都唔会食完之后觉得全身发热。

最近喺OK便利店发现咗一系列嘅凉拌小食，当然急急入手加餸！3款即开即食嘅开胃小菜包括尖椒皮蛋黑木耳、麻酱鸡丝青瓜海蜇、花雕鸡肾，一人分量嘅冷盘，够晒清爽，而且味道亦够晒地道，食嘅时候打开雪柜，撕开包装就可以食，既解暑又惹味解腻，除咗可作为前菜，当作宵夜解馋亦都非常适合。

炎炎夏日，除咗凉拌小食，当然唔少得雪糕！继年头推出豆乳雪糕杯，百福豆品供新推出豆乳雪糕2.0，以最纯粹嘅冲绳古早味黑糖结合百福自家制浓滑豆乳，炮制出冲绳黑糖豆乳雪糕杯，延续黑糖豆乳嘅和式风味，既有豆腐花原有嘅豆香，又可尝到幼滑嘅豆乳雪糕，那入口更有着独特嘅甘蔗香味。冲绳黑糖豆乳雪糕杯嘅单件装及家庭装同步推出，会于Circle K 便利店优先发售并于超级市场及各大便利店陆续发售。

顺带一提，Circle K便利店即日起至8月14日举行一连4日嘅限时优惠，只需$53就可买到8件雀巢牛奶公司雪糕杯系列、鹰唛奶条、 MEGA雪糕批及能得利冰棒，平均每件只需$6.7。

夏天出街，总会唔觉得就买咗杯冻饮。香港星巴克推出首个Starbucks Co-Brew 饮品创制活动，大家可以挑选心水配料及装饰，创造梦想中嘅星巴克饮品，并有望于2023年在香港及澳门星巴克限定推出。Starbucks Co-Brew活动嘅「Co-Brew」，是指透过联系咖啡及茶饮爱好者，互相分享灵感，依个人心情创作出个人专属的饮品，再集合各人的独特喜好及构想，融入至将会推出的Co-Brew饮品中。顾客只要在8月19日起，每逢周五至周日于指定分店购买任何含鲜忌廉的冻手调饮品或星冰乐，便可以免费从10多款配料中挑选2款配料，包括蝴蝶酥、爆谷、棉花糖、多款谷物脆片、威化棒、菠萝乾、红莓乾等特别配料，令大众在店内都可以发挥创意，一尝不同配搭。

由8月9日起至9月25日，顾客可于Starbucks Co-Brew网站（mythirdplace.starbucks.com.hk）创制专属自己的Starbucks Co-Brew 饮品，凡成功提交 Co-Brew饮品创作嘅参加者均可成为星巴克会员并获赠不同奖赏，包括免费中杯饮品奖赏、饮品买一送一奖赏、$5折扣奖赏、$10饮品及美食折扣奬赏、商品八折奖赏、或免费饮品升级奖赏。提交创作后，参加者将会获得推荐码。推荐最多朋友并成功提交创作的首3位参加者，更将会赢取365张手调饮品券，可以全年免费享受星巴克饮品。星巴克将于10月邀请大众于香港星巴克Facebook专页投选3杯最受欢迎的StarbucksCo-Brew 饮品，获选创作有望于2023年首季在香港及澳门星巴克限定推出。

作者：Laurie Wu（爱保健爱旅游爱购物的熟女）
[email protected]