樂●活｜宅在家追劇

最近花多咗時間追Disney+嘅劇集同電影，除咗電影《梅豔芳》嘅導演版外，仲睇緊早兩日先登場嘅全新原創韓劇《迷網追兇》（Grid）。

由 徐康俊、金亞中主演嘅《迷網追兇》最啱一啲鍾意刺激驚險、又鍾意偵查故事嘅劇迷，劇情講述秘密政府組織及旗下職員聯手追查被稱呼為「幽靈」嘅神秘者，更嘗試解開24年前曾透過網格行星防護罩（Grid）成功保護人類免受致命太陽風影響而滅絕的「幽靈」，點解會以謀殺案共犯的身分再現眼前！劇集講述2005年，當年太陽耀斑掀起一陣太陽風，吹襲地球，呢股太陽風嘅威力極大，足以帶來滅頂之災，令地球被大火和輻射毀於一旦。於事件發生的一年前，即2004年，名為網格行星防護的地球防護網已經安裝成功，令到來年襲擊所帶來嘅破壞降到最低；眨眼之間到了2021年，負責管理和維修網格行星防護罩的管理局營運部職員金世河遇上一名殺人犯，刑警鄭拂曉出動拘捕該名殺人犯金馬鹿的時侯，目睹一件不可思議的事情，亦是《迷網追兇》的故事開端。

另外，之前睇咗《月光騎士》 (Moon Knight)嘅最新電視預告片和海報就令Laurie好期待之後有得睇！電視廣告中，本身任職禮品店的史提芬葛蘭特，長期承受睡眠困擾，分不清現實與夢境，腦海中時常出現不同聲音，而同時史提芬亦發現自己患有多重人格障礙，另一身份則是僱傭兵馬克史貝特，某次意外後，馬克/史提芬被埃及月亮之神所救，成為在月光下擁有超凡能力的「月光騎士」。當史提芬或馬克遇到危險的時候，他們必須協力控制複雜的多重人格，同時直搗埃及眾神致命之中的神秘核心。《月光騎士》由奧斯卡艾薩 (Oscar Isaac)、伊芬鶴基 (Ethan Hawke) 及梅卡拉美維 (May Calamawy)主演。穆罕默德迪亞布 (Mohamed Diab) 與賈斯汀班森 (Justin Benson)、亞倫穆赫德 (Aaron Moorhead)團隊共同執導；凱文費吉 (Kevin Feige)擔任執行製作人，將於3月30日喺Disney+ 獨家上綫。

另一齣好期待嘅就係會喺3月11日Disney+獨家上線、迪士尼與彼思嘅《熊抱青春記》（TURNING RED），一齣彼思史上首部由女導演執導的動畫長片，而且仲係一位華裔女導演，兼奧斯卡得獎導演嘅作品。

相信大家有睇過《超人特工隊2》都會對同場加映嘅短片《包寶寶》(Bao) 一定好有印象，活化成可愛小孩的小包討人歡心，當中帶出嘅母女故事亦感動無數觀眾，其意念和製作更為加拿大華裔導演石之予 (Domee Shi) 贏得奧斯卡最佳動畫短片大獎。

石之予透過《熊抱青春記》再一次探討與媽媽嘅關係，故事講述13歲少女李美蓮除咗要面對踏入少女成長期中身體、性情、人際關係嘅急劇變化之外，最特別就是她一激動秒速突變成為一隻超巨型小熊貓。從初期發放嘅電影概念圖，見到這隻造型得意嘅小熊貓背著書包在學校出現，與周遭的學生形成強烈對比，喜感十足，別具想像空間。

作者：Laurie Wu（愛保健愛旅遊愛購物的熟女）
[email protected]