【樂●活】即影即有 拍下精彩瞬間

雖然有唔少手機App都可以tune相、執相，做到即影即有的效果，但Laurie始終覺得用即影即有相機影出來的相別有一番味道，特別係影完相，望住影像喺相紙上慢慢呈現，總有一種自癒的感覺。

最近，入手了Fujifilm推出全新即影即有相機instax mini 40同instax mini「CONTACT SHEET」菲林，不時帶住周圍影。instax mini 40延續instax mini系列的簡易操作，支援標準及自拍兩種攝影模式，仲有自動調整曝光及快門速度等功能，不論在戶外或室內弱光環境下，皆會因應不同拍攝條件自動優化快門速度與閃光燈輸出，並根據拍攝主體和背景而自動調整拍攝參數，輕鬆拍攝出高品質的即影即有相片。只需用手拉出鏡頭前端即可輕鬆切換成自拍模式，方便自拍和拍攝特寫照片。用家可透過鏡頭旁的自拍鏡，從不同角度創建豐富構圖，同時便於確認拍攝畫面。進入「自拍模式」更可清晰拍攝近30至50 cm的景物，讓相片呈現更多動人細節，盡情享受自拍及特寫攝影的樂趣。

instax mini 40採用簡約經典設計，機身以全黑皮革結合銀色邊框作為點綴，簡潔利落的線條勾勒出復古型格的外觀，皮革紋理不單止又靚又型，其實仲兼顧咗舒適度，方便持握，而專用相機皮套，以全黑皮革搭配銀白色縫線，更可以保護相機之餘，仲可以用來做拍攝的道具和裝飾，別有一番風味。

至於instax mini「CONTACT SHEET」菲林，以黑色邊框搭配橙色字樣，上方印著「FUJIFILM instax」，下方則重現了舊式沖洗菲林的日期時間戳印，充滿濃厚懷舊氛圍。

嚟緊兩日假期，Laurie就打算拎住相機周圍去，拍低不同的景色。其中一個會去的就是用上8個運動場景打卡布置的YOHO MALL II ，包括足球、籃球、游泳、跑步、單車及滑浪，試試用手機加即影即有拍下IGable的相片。順便參加埋賽商場舉辦的#YOHOMOVE創意打卡比賽，利用8大打卡運動場景影相，試試有冇機會獲得YOHO MALL $100購物贈券。場內多間運動用品店仲做緊聯乘優惠，而即日起至5月16日，於場內即日以電子消費滿$1,000，更可換領$50 YOHO MALL II 購物贈券，最啱去入定貨為夏天做足準備！

作者：Laurie Wu（愛保健愛旅遊愛購物的熟女）

[email protected]