【創科廣場】5G元年

2020年是令人難忘的一年，但今次亦係5G元年，全球5G網絡陸續落成，5G終於變成現實，香港流動營運商日日力推，5G電訊商收取高服務費，除咗剛升級電話，相信好少人會特別為5G上台。

5G收取費用嘅費用較高，一般消費者較難感覺分別，營運商亦好頭痛。5G重點不止係下載速度快，係在於企業服務，未來以獨立組網（SA）可提供更多服務，引入5G類似「網絡切割」服務，以便向提供低時延更安全服務；理論上電訊營運商可透過商業服務收回5G投資成本。

評論指5G最大用途，係要求嚴格，可支援大量接入嘅物聯網機器，或者係自動駕駛之類，為網絡邊緣提供新的雲端運算服務，所謂「Multi-access Edge Computing （MEC）」，又或者低延遲手遊之類， 香港亦有服務供應商提供方案，針對低時延、優化頻寬，符合特定安全要求企業應用，究竟有乜實際用例，目前仍係概念驗證居多。

政府支持利用5G促創新

不過5G收費唔平，接入設備亦好昂貴，早用早享受，遲用慳幾舊。為咗推動5G應用，上年香港政府推出5G技術資助計畫，較早前公布「鼓勵及早使用5G技術資助計畫」截止申請日期將會延長六個月至二○二一年五月三十一日，以進一步鼓勵各行各業的公私營機構遞交項目申請，利用5G技術促進持續創新，據聞反應唔錯，目前申請項目有幾十個，估計稍後會有公布。

如果5G唔能發展出大量商業應用，就唯有靠上散客幫補。據ABI Research估計，5G手機年底前會跌價至200美金以下，即係話約1700港元有交易，估計商業應用發展愈慢，手機跌價速度愈快，不過買咗5G手機亦不代表要上台，中國移動香港推出優惠免費升級5G。

中移動推優惠免費升級5G

受疫情影響，2021年CES美國消費性電子展（Consumer Electronics Show）網上舉行，有唔少5G設備，今個月11-14日舉行，唔少廠商已爭先介紹有關5G在AR/VR應用，甚至新5G電腦。CES係全球最大電子設備展覽，內容已經超越電子消費，除咗最新5G手機，甚至電動車及機械人。雖然CES網上舉行，估計唔少廠商仍繼續推出產品，亦可從CES窺見5G趨勢。