愛女形容媽媽笑住走 黎愛蓮設靈獲好友送別

黎愛蓮（Irene Ryder）早前離世，享年75歲，昨日於九龍殯儀館設靈，前夫梁小龍及一眾生前好友包括賈思樂與鄧光榮太太等送上花圈致祭。黎愛蓮女兒Anne受訪時透露媽媽是笑住走，走得很安樂，自己一直陪伴在側，亦完成了她在屋企走的心願，「媽媽喺屋企無咗心跳，去到醫院搶救，留院三日走咗，我同佢講放低唔開心嘢返天家。（媽媽可有不開心事？）大家知道，心照！有好多嘢過咗去，留低美麗一刻畀大家已足夠。」
Anne指媽媽生前做過很多手術，心臟比較弱，但媽媽因上呼吸道感染，加上年紀大又不乖拒睇醫生，最終肺炎離世。另外，黃淑儀、Joe Junior、姜大偉夫婦等先後前來送別，Joe Junior表示跟黎愛蓮在14、15歲時參加詩歌班比賽而認識，大讚她是一位好女生，直言一直知道對方身體狀況麻麻，透露黎愛蓮離開前一星期還與自己相約飯聚，沒想到不久後就收到她離世的消息，感到突然和很難過。