AL晒拔罐治療相嚇壞神徒

「教主」盧瀚霆（Anson Lo）工作長期都排得密密麻麻，加上練舞多年身上有舊患，不時要去「維修保健」一下。
昨日他在社交網分享多張做物理治療的照片，見他半裸上身大晒白滑玉背，並在肩膊和背部進行針灸，其後再吸上廿多個吸杯拔罐，睇到一眾神徒（粉絲暱稱）相當心痛，他寫道：「舊患處理，最近不停的物理治療和看中醫師。嚟緊3個月都會有唔同嘅公開舞台演出，一定要令身體保持好嘅狀態，盡力為你哋表演。」Anson Lo的腳部位置亦有舊患，見他貼出正在針灸的「飛毛腿」，神徒們都叫他要保重，好好休息。