Ian密謀新大計 恨搞巡唱

MIRROR成員陳卓賢（Ian）昨日到尖沙咀出席美妝活動，提到他早前與演唱會監製聚會，是否有新音樂計劃籌備中？他大賣關子，表示也想舉行演唱會part 2，希望有機會舉行巡唱。

提到MIRROR早前推出新團歌《Hunt You Down》，Ian表示歌迷反應兩極，但覺得音樂很主觀。對於出道五年已推出20首個人單曲，Ian笑言等待推出第100首歌才慶祝，不過也想推出個人專輯，他說：「我寫咗過千首Demo，喺單曲年代未必搵到適合時間出，所以出專輯可以有多啲唔同風格嘅歌畀大家聽到。」提到與演唱會監製聚會，是否為演唱會Part 2準備？Ian大賣關子表示有一些計劃準備，希望有機會發生，自己也想開巡唱，他說：「想係想嘅！當中好多細節想越多人睇到越好。」
不過問隊友感情事
提到隊友柳應廷（Jer）被影到與緋聞女友網紅插畫家Coey一同行家品店，呂爵安（Edan）亦公開承認力追大馬女神林明禎，Ian說：「完全唔知，我都係聽人講我先知。（不關心隊友？）我唔係唔關心，係另一種關心，就係畀啲空間佢哋，呢啲係佢哋私人事，我不會過問。我覺得佢哋開心，我就開心。」笑問何時到他？Ian即搞笑說：「幾時到我咩？追到自己目標定開多啲騷？（幾時有感情生活？）我自己無諗，因為嚟緊都有令自己幾興奮嘅項目會發生，所以想全副心力去做先。」談到擇偶條件，Ian指以前會對特定類型女生感興趣，但現在覺得最重要是內在交流。