Alton自嘲冇話事權 等Lokman阿Dee拍板

有傳MIRROR成員王智德（Alton）、楊樂文（Lokman）和ERROR成員何啟華（阿Dee）有份投資的泰國餐廳找人頂手，Alton昨日宣傳其首度挑戰的舞台劇《一樓一會》，澄清絕非餐廳做唔住而搵人頂手，是因即將租約期滿，考慮是否換地點。

Alton表示餐廳租約即將期滿，所以要考慮去向，「要諗吓換地方定繼續做，如果換地方，裝修就浪費咗！所以睇吓有無人有興趣頂手，絕對唔係做唔住而搵人頂手。如果再租的話，心儀地舖，但地舖貴租。（有指蝕讓頂手？）據我所知唔係！如果有人情有獨鍾會出50億，一定會say yes。」他又透露餐廳租約尚有兩個月左右，故會繼續營運。問到餐廳生意如何？Alton表示不過不失，至於會否招攬新股東？他笑言要問另外兩位星級股東，自己沒權話事。
嘉盈演鳳姐唔怕影響形象
由「鬼王」潘紹聰領軍節目《恐怖在線》去年首創劇場《死鬼老婆》X《恐怖在線》，今年10月再接再厲公演哈囉喂劇場《一樓一會》，今次更是Alton與網紅嘉盈首次挑戰舞台劇，戲中飾演「鳳姐」的嘉盈笑言10歲時看港產片有不少風月女子，對情節留有印象，加上住過廟街附近而知說話口吻。談到可擔心演鳳姐影響形象？她表示角色就是角色，演戲得意之處是可以體會不同人的生活。
Alton表示與麥沛東合作拍劇後又再合作舞台劇，並笑謂演戲多少倚賴對方，雖然飾演嫖客但不擔心影響形象，只是擔心一下子，不過心理關口好快過，又笑言不擔心遇上靈異事件，只要懷着不要冒犯的心就不會驚，加上媽媽一向會給予護身符傍身；嘉盈則笑謂曾被算命師指她八字重，就連鬼也驚她。