阿Dee避談賺蝕：係搞緊續租

何啟華（阿Dee）與MIRROR成員王智德（Alton）及楊樂文（Lokman）有份投資的泰國餐廳，早前被發現疑似找人頂手。昨日阿Dee現身宣傳新劇，否認餐廳頂手傳聞，並解釋其實正在搞續租，他否認生意欠佳，只因想解決場地問題。

阿Dee昨日與ERROR隊友郭嘉駿（193）、雲浩影（Cloud）等出席Viu原創劇《同居少女諸事卜》試映會，被問到投資餐廳要頂手的傳聞，阿Dee說：「唔係！我哋係搞緊租約續租。（生意唔好？）唔係，係場地問題，想解決場地問題，唔係加租。（有無蝕錢？）呢啲唔講啦！（繼續做？）會！由始至終我哋理念想搞餐廳，亦係平民化、好低檔價錢，喺旺區享受午餐、晚餐，呢個係我哋搞生意諗法，賺錢就唔開呢個價啦！」本身有經營咖啡店的193，坦言原本在土瓜灣開設的咖啡店亦曾找人頂手，因為想找更旺的地區，只是當時無人報道，現時店舖在尖沙咀生意幾好。
雲浩影慘遭「嫌棄」
今次劇中雲浩影周旋於阿Dee和193，現實中，她笑言兩者也不選擇，因遭兩人嫌棄，加上太老友，若然選擇其一，是但一方也會不開心。Dee和193均表示嫌棄雲浩影太靚，唱歌好聽而且識演戲，現實中他們未試過兩男爭一女，認為大家喜歡女生類型不同，大讚雲浩影是心目中女神。談到與193和Dee合作，雲浩影表示有場戲兩男爭一女，兩人即場「爆肚」搞到她NG。