古淖文開騷三度落淚 引用梅姐金句共勉之

古淖文日前在家鄉澳門舉辦首個個人演唱會，除了父母和疼錫他的肥媽（Maria Cordero）撐場外，拉姑、陳淑芬、黑妹及一班《中年好聲音2》兄弟姊妹亦專程到澳門支持。
能夠圓夢開個唱，古淖文當晚三度落淚，逐一感謝及分享感受：「好感恩再次接到呢個機會，記得有位前輩同我講，人生有好多機會，只要你把握到呢個機會，一個機會你就會成功，呢句說話係阿媽Maria Cordero教我，而更重要係大家要學識愛自己，以自己為先、去認識自己、聽自己內心，好感恩我繼續努力讓自己進步，當中係有人會快、有人會慢，但就好似我天上偶像梅姐（梅艷芳）所講『只要有信心，冇難事！』共勉之。」