李麗珊樂見體育界透明度提高 李慧詩吸取教訓學會慎言

「風之后」李麗珊、「牛下女車神」李慧詩昨出席HOY TV《巴黎奧運2024》開廠拜神儀式，李麗珊談到15歲滑板運動員顧嘉洹因會籍問題未能代表香港出戰奧運，她指每個屬會有選擇準則，「體育界開始有透明度，有潛能的話，今屆錯失了，打後多屆也有機會，體育界機會越來越多，唔使擔心，只係時間性問題。」
早前李慧詩在杭州亞運節目直播時講錯「希望日本贏中國」引起風波，今次會否格外小心？她表示大家有檢討可再改善的情況，「每個人有自己支持嘅人，香港主持會支持中國隊同香港隊。主持同旁述唔同，上次係單車旁述唔係主持人，今次係主持，全方位兼顧唔同項目。（做很多準備功課？）德能兄會教導我。而上次係太緊張，臨時講咗啲我冇認識嘅嘢，有錯誤，希望今次改善。」