陳凱琳拒生第四胎 爆老公想要個女

陳凱琳（Grace）昨日以低胸露背吊帶裙亮相開幕活動，她表示老公鄭嘉穎和爸爸同樣是8月生日，每年都一齊食飯慶祝，禮物都要買兩份相似的，又說8月底將首次一家五口外遊，今次帶歲半細仔同行，或會去泰國數天，是個大挑戰，笑言買個大袋給老公做生日禮物，可以放多幾條尿片。

問到嘉穎是否想追多個女？Grace說：「佢成日咁講，但真係講吓，我哋之前有討論生唔生多個，3個好足夠，5人車不需要換。（會否有意外？）應該唔會，呢3個都係意外，哈哈！（封肚？）唔確實講會唔會……自己鍾意男仔。（老公鍾意女？）通常男人鍾意異性，不過大仔好sweet，個樣好似女仔。唔好再問我生唔生，3個已好多！」又指胡杏兒和倪晨曦也生了3個小朋友，笑言看看她們哪位會挑戰生多個。