Ian進入個唱倒數 盼觀眾「笑住喊」

MIRROR成員陳卓賢（Ian）下星期五（19日）將於亞博Arena展開一連七場個唱，Ian昨日接受商台《叱咤樂壇》視像直播訪問，透露滿意演唱會進度，表示綵排時會不期然嘴角上揚，更預告今年第4首新歌正同步籌備中。
直播期間Ian笑容滿面，心情輕鬆，狀態極佳，透露做完訪問就即刻要去綵排演唱會，更指籌備進度順利，坦言有時綵排會不期然嘴角上揚，對首次個人演唱會感到興奮又期待，更笑言好想做觀眾睇騷。他透露演唱會內容不會唱完一首簡單轉接去下一首歌，希望觀眾在入場已有體會，由頭到尾是一個故事。至於是否類似舞台劇？Ian非常口密賣關子，只透露邀梁祖堯負責為一部分導演，希望觀眾別有任何預設，放鬆心情享受音樂，演唱會主題是「Tears」，他鬼馬笑言希望觀眾睇完會「笑住喊」。
自認悲觀 唱到「心噏」
日前Ian推出了今年故事系列第3首新歌《以孤獨命名》，故事由甜蜜到突然分手變得孤單，他表示沒刻意解釋故事發展原因：「其實每個人經歷都唔同，所以想留白少少，等各人代入返自己故事，加上我覺得《以孤獨命名》好似係大部分人戀愛都會經歷過。」問到Ian個人經歷，他直言自己較為悲觀，「現實啲講，愛情係要經過好多考驗，唔係每一個人都可以咁完美地白頭到老。」更指錄音時唱到非常「心噏」，幾乎斷氣，「太難唱，太密，冇位換氣，係有嗰種鼻酸酸感覺。」又自言年紀大了，近年敞開心扉、願意讓情感外露，平常心令自己更舒服，最後預告正在籌備今年第4首歌，會有新挑戰。