歐陽震華望拍電影自我進修
2024-07-11 00:00
以往是自由身的歐陽震華最近大玩突破,加入了英皇娛樂與謝霆鋒、惠英紅、毛舜筠等成為同門藝人。疫情期間,歐陽震華趁機讓自己沉澱,覺得自己參演多年電視劇,或可嘗試拍電影,最後由太太的好友牽線認識了英皇高層霍汶希(Mani),立志進軍影壇。
「師奶殺手」歐陽震華蹤橫影視界40多年,參演過無數經典劇集,他坦言電視角色演得七七八八,時日久了覺得是時候嘗試拍電影,「我真係未拍過電影,以前拍過兩、三套,當時心智未成熟,無乜主見,想我點做就咁做,90年代初到而家都無拍,希望加入英皇大家庭可以畀我進修!」
曾處半退休狀態
自認不擅長交際的歐陽震華,坦言很少主動搵人,尤其工作方面,早年發生疫情,更自覺似半退休,不過亦趁機會讓自己沉澱一下,令他覺得參演多年電視劇的自己,是否能拍電影,表達心意後,透過太太一位認識英皇高層霍汶希(Mani)的好友聯絡對方,「我聽個朋友講話霍小姐快到,即刻打電話去香港呢邊負責人,翌日就搵我囉!點知搵我接觸嘅高層,原來我識佢,第一次我同男人傾工作同睇法。」
期望拍戲演反派
談到加入英皇娛樂想跟哪位演員合作,歐陽震華搞笑指若與謝霆鋒合作應該不會拍文藝片,對方打贏他,恐怕觀眾會覺得他被欺負,他加入英皇已獲安排拍廣告,坦言簽公司後有人安排覺得更好,「有時關於合約呢啲唔係我強項,好感恩楊生(英皇集團主席楊受成博士)畀我加入英皇大家庭。」但他並非不再拍劇,只是繼續在TVB難以接觸電影,「點解唔搵我做反派?因為驚觀眾唔接受,電視得幾十集,如果觀眾唔接受,後面收視點處理?如果喺電影做反派,幾唔好睇個反派咪拍第二樣囉!」
最新回應