鎮宇呷醋兒子崇拜青雲

由劉青雲與吳鎮宇主演電影《談判專家》前晚舉行首映禮，除眾演員苗橋偉、周文健及洪天明等出席外，吳鎮宇兒子吳費曼及伍允龍等均現身支持。吳費曼在現場主動跟劉青雲合照，身為爸爸的鎮宇識做行開，不過青雲也要求三人合照。

戲中演談判專家，會否談判技巧變叻？鎮宇笑指青雲買餸講價成功，青雲則笑謂已經很平。至於跟仔仔談判技巧會否變好？鎮宇笑謂：「佢都費事同你傾偈，佢今日主要嚟見青雲，好迷青雲同黃子華，好崇拜佢哋，佢哋拎唔到獎，仲傷心過我攞唔到獎！發晒脾氣，無乜理我。」青雲聞言即笑指鎮宇相約他去吃飯原來有目的。