遭日本女星鬆膊攝位 舒淇尷尬苦笑冇失禮

舒淇近日在羅馬出席珠寶品牌活動，同場還有荷里活女星安妮夏菲維（Anne Hathaway）、內地女星劉亦菲等。舒淇和劉亦菲老友鬼鬼，兩人分別在社交網分享開心合照，舒淇也大晒多張靚人靚景美圖，似乎此次羅馬之旅相當愉快。
不過昨日微博流出一段現場花絮片，片中幾位出席女星平排坐在一起合照，舒淇當時夾在劉亦菲和日籍女模森星（Hikari）之間，但就顯得好擠逼，當在場一眾傳媒鏡頭閃光燈閃不停，見森星一度挺胸進擊，闊橫的膊頭漸漸挨向舒淇，成功攝到較多位置，可憐舒淇無奈被森星輕擠向後，似越縮越小，並露出尷尬笑容。短片隨即被瘋傳並登上微博熱搜，網民不禁形容森星是心機女，同時讚舒淇被攝位仍大方應對。