Sammi新MV 拍到起雞皮

天后鄭秀文（Sammi）將於7月舉行13場紅館演唱會，開騷前率先推出新歌《心魔》，MV昨日正式上架，今次Sammi首次到泰國取景，與泰國最頂尖團隊合作，拍攝手法破格充滿電影感，她坦言入行以來從未試過。
Sammi專程飛到泰國在舊式劇院和郊外校園取景，她形容MV每個畫面能震撼入心，「好多唯美畫面，亦有勾畫心魔嘅意境、意象，呢啲意象都係用人嚟堆砌，我哋搵咗40位Dancers去拍攝，即使係一個好簡單嘅動作，人多動作又齊整嘅時候就有一種好強大嘅震動感覺。歌詞好容易令人進入歌曲情緒，所以好拍到《心魔》嘅主題。」
談到跟泰國導演合作，Sammi表示因看到一首歌的MV，好鍾意該導演的拍攝風格，有好大撼動，覺得邀對方拍MV一定將歌曲昇華，她亦覺得今次拍出《心魔》的靈魂，坦言拍攝某些鏡頭時甚至「起雞皮」。
忍口唔敢歎美食
今次拍攝行程緊密，Sammi有不少獨特造型，黃昏抵達即去酒店試造型，一身紋身貼紙更要花近45分鐘去剪貼。早上9時便埋位拍攝，當日氣溫高達36度，她一直在悶熱的外景拍攝，到凌晨1時才收工，為在演唱會前夕保持最佳狀態，她沒品嘗當地美食，但認為一切辛苦都值得，尤其與40位泰國舞者共舞的畫面，充分地表達到歌曲的意境及主題。