草蜢自爆開共同戶口 蘇老闆揸數簿管歌酬

由黎芷珊主持的《澳娛綜合呈獻：芷珊約您》在最新一集訪問長青組合草蜢，今次芷珊還飛到台灣，直擊他們在高雄巨蛋舉行的演唱會。

草蜢一向專業，對舞台表演有一種執着，蔡一傑為了開騷，更可以去到好盡，他大爆籌備演唱會期間會瘋狂做運動保持最佳狀態：「我限定自己9點、10點一定要起身，跟住出去就跑山，然後食少少嘢，跟住喺Gym度做3、4個鐘頭，跟住去排舞，排大概4個零鐘頭，之後我7點半一定要走，跟住我求其食碗嘢，再去游水一個鐘，最高紀錄係9個字內游咗3,000米，跟住返屋企跑步6、7k，好似運動員咁。」
證婚律師搞錯兩兄弟

該集當然少不了芷珊與草蜢的深情專訪，雖然草蜢出道多年，但原來仍有不少人會「撈亂」他們，蔡一智笑言有一次連證婚律師也搞錯：「我結婚時，個證婚律師話周雪芳小姐，你願唔願意嫁畀蔡一傑，全場人（笑到）仆低晒！」草蜢成軍39年感情要好，3兄弟無分彼此，連歌酬都存入共同帳戶，並由「數口精」的蘇老闆負責管數，蘇老闆笑言：「佢哋兩個唔知有幾錢，只係得我知有幾錢，由入行到現在都係，用咗去邊會寫低晒，因為我哋三兄弟，唔想話你欠我、我欠你咁，用一本簿寫住晒，現在啲簿仲喺度。」