由會計轉入演藝圈 許月湘力爭新演員獎

新人許月湘憑簡君晉執導電影《白日之下》的年輕記者一角，入圍角逐本屆金像獎「最佳新演員」獎。就讀於演藝學院的她，未畢業已參演多個MV，更成功試鏡演出ViuTV劇集《那年盛夏我們綻放如花》，隨後獲得《白日之下》演出機會，更簽為古天樂旗下藝人公司。原來她大學曾修讀會計，但讀了兩年嫌太沉悶而轉考演藝學院，初時遭家人反對，後來才放手讓她闖自己的人生。
雖然入行時間短，但沿途遇到不少貴人給予寶貴機會，令許月湘非常感恩，感恩簡君晉導演信任外，亦感謝同戲師姐余香凝提點：「初時見到余香凝好驚，唔敢接近佢，但佢真係好友善，叫我唔好緊張，安撫我唔好咁大壓力，好似大姐姐喺身邊照顧我，佢對劇組每個演員都好照顧。我希望有朝一日好似佢咁照顧新人，佢係我榜樣，好記得佢同我講、要喺呢行做得好又耐，最緊要係有好嘅態度。」至於「最佳新演員」獎，許月湘笑言信心不大，有份提名已好榮幸。談到將來想跟哪位前輩合作？她坦言好欣賞湯唯、周迅、章子怡等，亦想跟老闆古天樂演喜劇。