林作拜師「食檸檬」 讚李龍基高招扮懵

李龍基前晚在香港仔某飯店演出《李龍基好SING之夜》尾場，公開表示欽敬他的林作攜女友裕美驚喜捧場，更特意穿基哥的同款名牌粉紅牛仔褸，當面表明想拜基哥為師，但對方似聽不到未回應，林作讚基哥高招詐傻，揚言再接再厲！
當晚觀眾情緒高漲，基哥亦識做地撩女歌迷傾偈，問對方名叫Mary還是Louisa，還搞笑說：「Louisa（麥明詩）嫁咗啦！」似乎知林作在場而拿對方舊愛搞氣氛，更落台滿場飛、同觀眾握手、合照、收利是。當走到林作這一枱，基哥大方打招呼：「林兄！」林作直言想拜基哥為師，可惜基哥似聽不到，只講了句多謝。完騷後提到拜師一事，基哥謙稱何德何能，又否認最近頻接騷，避談是否收入大增，只透露因睡眠不好而瘦了十餘磅。
林作受訪時讚基哥果然老江湖，「學到嘢！這招叫詐傻扮懵，不想和應又不想推搪，道行好高！」又稱會再接再厲，望改變基哥的看法、肯收其為徒，學應對公關和做人的情商，又笑指着衫方面已學到，但自己穿的是原裝，不夠時間訂A貨。此外，林作又否認受前度麥明詩刺激而曬婚照，至於是否好事近？他解釋數月前應邀去玩，「既然答應了就當然要拿出來畀人睇。」並自嘲不夠高大靚仔，似回應媽媽出席麥明詩婚禮時讚新郎比他靚仔，自言貫徹態度絕不回應舊愛婚事，不評論就是最好祝福。