宣布懷孕首亮相節目 連詩雅自認過「嫩」期

由歌手鄧小巧主理的網上歌唱節目《Singaholic》第五集請來剛宣布懷孕的連詩雅（Shiga）任嘉賓，這是她宣布有喜後首次上節目，二人大談生仔經及新婚話題。
將為人母，Shiga表示婚後每次見到親友，第一句就問：「幾時生仔？」小巧即謂：「個個都話有仔趁嫩生。」Shiga笑謂：「我過咗嗰個『嫩』啦！」並坦承是「大唔透」的細路，她的心態是隨緣。或因身份轉變，當Shiga唱完講述母親的《雲吞》時特別感觸，流着淚的她坦言自己由媽媽養大，母女相依為命，發覺人越大，家人越老，經歷生離死別，她慶幸媽媽仍在身邊，因媽媽年紀較大在40歲才生下她。小巧表示對Shiga一番說話：「我自己窮有乜所謂啫，我要養我阿媽，我自己瞓天橋底都得，但我唔可以畀我阿媽瞓天橋底！」特別深刻。
爆老公唔洗碗
由於2人均是新婚，她們也分享了一些跟另一半相處的趣事，小巧問Shiga最「唔妥」老公陳家樂甚麼事？Shiga第一樣便是投訴他不洗碗，「係唯一一樣要投訴。我要澄清雖然佢唔洗碗，但我都唔洗衫，哈哈，所以佢負責洗廁所、洗衫等清潔部門，但廚房入面所有嘢就係我負責。」