《中年好聲音2》10強出爐 古淖文再獲MVP

《中年好聲音2》10強名單正式誕生，古淖文以93分第二度獲得MVP，古淖文興奮表示：「今集對我非常特別，第一次以Solo姿態拎咗9字頭嘅分數，特別想多謝一個人，佢係我音樂上最大嘅後盾，佢就係『小辣椒』谷婭溦老師。」顏米羔挑戰搣甩王傑味唱出《幾分傷心幾分痴/一場遊戲一場夢》，獲91分得到評審大讚。
而今輪焦點落在淘汰選手身上，陳蒨葶、陳燕娜及鄭梓浩同得82分，最終由評審退庭商議，由陳蒨葶晉身10強，名單包括：古淖文、劉威煌、顏米羔、安雅希、黃劍文、譚輝智、沈宗賢、陳俞霏、林若盈及陳蒨葶。
對於鄭梓浩因病上陣表現欠佳導致被淘汰，不少網民為他感不值，有網民更指陳蒨葶表現不及鄭梓浩，對於分數及結果有不少意見。