被愛女誤篤傷眼 陳展鵬自嘲唔夠敏捷

陳展鵬、羅子溢昨日現身TVB賽馬日，右眼通紅的展鵬透露早前與太太單文柔、女兒「小豬比」到泰國華欣旅行時，被女兒誤傷所致：「我眼紅太太同囡囡玩得咁開心，所以走去了解佢哋玩乜，點知囡囡擰過嚟篤親我，好小事。」他自嘲身手不夠敏捷，過兩日應該會痊瘉，不過女兒整親自己後即時想喊。
羅子溢則謂因細仔仍細，不敢帶他出埠，又指有份演出新劇《婚後事》講及夫妻關係，所以不會跟小朋友一起看，不想他們問太多，至於會否與老婆楊茜堯一起看？他笑言：「會，但要家長陪同，我就係個家長，話俾佢聽啲親熱戲的拍攝角度。（太太好大方？）佢會講『我下次有quota』。」