蔡思貝自爆曾託胡鴻鈞帶嘢返港 志偉預告新搞作 福祿壽開班訓練喜劇人才

  曾志偉昨日率領超過30位藝員參與TVB賽馬日，身為高層的他笑指TVB希望龍年可繼續帶歡樂及正能量給觀眾，並預告將復辦《中華小姐》、《中年好聲音3》大灣區版及《福祿壽訓練學院》等精彩節目，自己亦會以嘉賓身份參與其中。
TVB賽馬日昨日（18日）在沙田馬場舉行，TVB行政主席許濤、總經理曾志偉、蕭世和及超過30位藝員包括高海寧、蔡思貝、陳展鵬、陳煒、姚子羚及羅子溢等齊齊參與。
對於TVB今年展望，志偉表示希望可繼續帶歡樂給觀眾：「香港呢兩年生活上比較緊張，希望可以帶娛樂、正能量俾大家，希望大家一齊努力，香港一定好嘅！」他又謂今年會復辦《中華小姐》及大家都很支持的《中年好聲音3》大灣區版，又指希望《中》能夠講更多故事給大家聽：「佢唔淨止係一個音樂節目，更加係同大家分享人生。」而繼《亞洲超星團》之後推出有關喜劇培訓節目《福祿壽訓練學院》：「福祿壽都會返嚟幫手，佢三個負責做導師訓練新嘅喜劇演員，希望大家睇到多啲新面孔。（你會參與？）我諗我都會做嘉賓，自己做咗咁多年喜劇，同大家分享吓做喜劇嘅心得，今次有素人、亦都有喺TVB打滾好多年嘅同事，經過今次訓練班，希望培養多啲人才出嚟。」
撐胡鴻鈞勇於承擔
穿貼身連身裙亮相的高海寧（高Ling），表示第一次入馬場時都有贏過，之後也有贏一點：「今日試吓運，我覺得應該OK。（你攞獎，啲運延續到今年。）我寧願將啲運擺喺正財上面。」蔡思貝對於緋聞男友胡鴻鈞早前因攜帶過百支加熱煙入境惹官非，她坦言知道此事，都有關心對方，問到是否覺得胡鴻鈞今次很大意？她說：「每個人都有犯錯時候，佢都同大家公開致歉，我相信佢上咗一課，已經清楚知道明白。」思貝又指之前試過因想慳運費，所以叫胡鴻鈞幫她帶一點東西回港：「其實好多朋友都會咁做，可能一時間冇為意。（佢為咗呢件事心情麻麻？）相信佢OK，知道自己做錯事，勇於承擔。（以後唔叫佢幫忙？）我自己都唔好再慳運費。」