大劉 鬧爆「賤人」造謠抹黑

富商劉鑾雄（大劉）昨日臨時舉行記者會，澄清內地傳出他太太陳凱韻（甘比）蝕去他逾百億元身家的傳聞，指有「賤人」利用網上打手，以為就能打擊他太太，他坦言後悔當日曾幫對方，寧願其破產更好，更斥對方全家是納米型小賊。
大劉在會上表示，太太怕影響子女而勸他不要澄清，但他認為不出聲會被指默認，聲言：「有一日有人要殺我屋企人，唔好講我係咪跛，（就算）我係跛係殘廢，我都要保護屋企人！」並重申太太甘比從未為公司損失200億元，反而為他賺逾200億元藝術品投資，亦沒將財產給兒子，指報道是虛構，嚴重造謠，更以「賤人」來諷刺對方：「呢個賤人最近去新加坡，無人識佢，自己招搖撞騙，人哋見到佢都驚咗佢。」
有人超市地執單報銷
有記者問大劉是否後悔幫他口中的「賤人」？他不諱言：「我承認呀！」他指網上傳聞離譜，連朋友都以為他有事就快「死」，致電慰問他，他反問記者聽他把聲似不似就快死，亦坦言：「邊個會作呢啲新聞出嚟？一個人自我陶醉，到底有冇人信？我真係希望我一年前，唔幫佢單破產。」
大劉並解說分身家傳聞：「又話全部財產轉畀個仔、甘比踢出局，點解要咁講呀？自己開心囉，講就有人信。」更炮轟「賤人」是納米型小賊，「全家都係。買埋啲Accumulator，I'll kill you later！佢買晉環，人哋一次過畀錢買，佢10%做deposit，15%做stamp。佢無腦㗎，做鴕鳥，以後再唔會救佢，再無關係。我打畀仔女時，佢就搭嗲，你估我會唔會聽佢電話？我出院時，佢見我未死得就扮Close，我即刻同陳凱韻（甘比）結婚，但係發現最有保障原來係分身家。我開記者會之後一星期，我同律師講寧願分錯都唔願畀佢得益。」更大爆：「佢唔止牙膏claim三次，喺超級市場地下啲單，佢都執嚟claim，你估我唔知咩？我哋會計部check單check得好緊！即係你話買眼鏡，係咪你戴緊？佢最擅長係點呢，買咗個名牌袋之後，平價賣返出街。」大劉表示不清楚仔女是否得知這些，更以「絕子絕孫，七個仔女養唔大」發誓並非作出來。
自爆一早已經分身家
此外，有記者問及當呂麗君兩個子女長大會否獨自生活？大劉回應：「依家個仔得13歲，如果佢18歲，可以選擇自己獨立時，佢想跟我住，就同我一齊住。」當追問到最近一個月有否改遺囑？大劉更爆料：「我早排一早分咗，我現時要再改，都要老婆執行我嘅意思，你聽唔聽得明啊？我現時自己乜都冇！但係我相信我呢個老婆陳凱韻，叫我做乜我都會做。」並指有幸是日開記者會澄清，「我今日仲有得say，陳凱韻肯聽我說話，我三個仔女都肯聽我說話。」
問到「賤人」變壞前，曾否勸過對方？大劉：「梗係有，但係有用咩？」還爆對方曾半夜叫人拿民事傳票給他，他斥：「咁賤咁衰嘅人，第一次見！」至於傳票內容，大劉表示不方便講，但否認是問他拿錢，他亦表示開記者會之外，不會採取法律行動，開記者會感覺並不舒暢，至少還太太一個公道。被問到看好哪個兒子日後掌管公司？大劉只謂能者居之。被問到有否看劇集《愛．回家》叫子女多回家？大劉坦言有看，但沒叫子女多回家。