陳奕迅MV 偉仔扮開鎖佬送驚喜

現正忙於在澳門舉行巡迴演唱會的陳奕迅（Eason），昨日於澳門威尼斯人劇場舉行Eason《CHIN UP》新碟及續約環球唱片發布會，Eason邀得影帝梁朝偉參演MV令全場驚喜，最爆的是原本也獲張學友及周潤發答應演出，可惜兩人撞期，發哥更親回電話表示下次有機會。

記者會吸引中、港、台三地傳媒及近千歌迷到場，一班小朋友演繹Eason與環球18年來合作的金曲後，Eason與環球高層及經理人一同在台上進行續約儀式，並公布多年來的歌曲在全球串流播放量超過750億。Eason相隔5年推出的全新個人專輯《CHIN UP!》，當中收錄了8首新作，全張專輯由林家謙作曲，編曲部分則由李榮浩與林家謙操刀。新專輯中的《社交恐懼癌》MV劇場版昨在記者會上全球首度曝光，MV除了有Eason親自演繹外，最驚喜有國際影帝梁朝偉扮演開鎖師傅一角，令全場嘩然。
發哥：下次啦
對於跟環球續約，Eason坦言自己不習慣轉工，加上跟環球一向合作得很好，雖然有不少歌手自設工作室，但自己較喜歡有公司照顧，至於續約金，表示覺得可以。
提到新歌《社交恐懼癌》找來梁朝偉參演MV，Eason表示因參演《擺渡人》而認識對方，雖然跟梁朝偉有聯絡，但對方在自己的心目中很有巨星感覺，亦大膽跟導演提出找梁朝偉，估不到對方爽快答應。他說：「原本管理員的角色想找張學友演，他亦答應了，後來他要拍電影唔可以參演，無咗《阿飛與阿基》組合呀！不如玩大啲，搵發哥（周潤發）變成《辣手神探》，我經陳輝陽搵發嫂，可惜因為撞期唔得，發哥親自打畀我話下次有機會啦！我問完已經好開心。」
為發脾氣認衰
提到早前於澳門開個唱期間，因感染鼻病毒而暫停演出休養。Eason表示已康復，又笑言年紀大了，開始注意養生，並會飲暖水似中女。
對於在澳門演唱會上被觀眾喝令「講國語」而當場鬧爆，Eason說：「係我做得唔好，我應該做我應該做嘅事，係演繹歌曲，我太執着，我經一事長一智，其實我要經好多事先長好多智，年紀大同經歷幫助到，唔使太在意，要識得放鬆，太緊張會有反效果。我未試過跳medley唔係咁高興跳，咁樣辜負歌迷，係我唔啱。」
據知，梁朝偉還未做NewJeans的MV嘉賓前，早於2022年4月已為Eason拍MV，足足比NewJeans早了一年，只是《社交恐懼癌》推出得比較遲，讓NewJeans飲了頭
啖湯。