包裝必勝步輕力足

雖然距離開季尚有一段長日子，但不少馬房已加強練兵，昨朝出跳馬更顯著增多。

「創福威」戴眼罩及頭罩由助手跳一段，馬身仍靚有肌肉，毛色油潤生光，狀態一直見好。 

「包裝必勝」副練跳一段，戴鼻箍試來精神奕奕，步挺既輕又有力，馬身亦喼得壯。 

「北極光」戴頭罩由助手跳一段，馬尾一貫綁紅布，步穩力度唔差，外觀對辦身壯色潤。 

「安遇」拍「縱橫十六」跳兩段，同樣戴頭罩及助手試，前駒無轉腳，不過動作順暢，雙目有神朝氣旺盛；後駒向來有點懶散，然而大馬夠輕身，觀感尚可。 

「越駿知己」戴頭罩由助手跳一段，輕描淡寫走過，步輕力足身壯，饒具朝氣。 

「穿甲鷹」戴頭罩由助手跳兩段，按住順走從容不逼，展步輕巧彈力亦夠。 

「鑽飾璀璨」廖康銘跳兩段，快開走得起勁，大大隻夠輕身，今季大有進展。 
馬主雄風狀態對辦

「馬主雄風」戴頭罩由助手跳兩段展步開揚力度唔錯，馬身夠結實狀態對辦。 

「魅力仔」戴頭罩由副練跳兩段，唔急唔搶氣宇軒昂，出腳利落又夠輕快。 

「龍之心」戴頭罩由助手跳一段，大舊飯馬身脹卜卜，神態軒昂情緒穩定。 

「都靈先鋒」戴眼罩及頭罩由助手跳兩段，聚精會神未有整蠱造怪，馬身收靚現線條，有進步。 

「瑰麗人生」戴頭罩由助手跳兩段，情緒唔錯，之前急口問題有改善，力度亦不斷提升。 

「新力高升」戴頭罩由助手跳一段，薄皮馬身有肌肉唔瘦，毛色則可以更靚，傷瘉初起。 

「喜駿風采」戴頭罩由副練跳兩段，唔再亂用力亦無岳頭，表現淡定。

「博才」助手跳一段，淡定走過極之放鬆，無之前咁重身，予人好感。