馬明不知婚照詳情 爆靚湯玩神秘

（星島日報報道）馬國明（馬明）昨日出席醫療活動，身形明顯fit爆，他指稍後要和湯洛雯（靚湯）影婚紗照，所以努力修身。暫未拍新劇的馬明表示現時除了出席活動搵老婆本和奶粉錢外，亦努力做保養，希望以最好的狀態影婚紗照，又指靚湯現時一日比一日fit，「佢瘦咗，不過唔係得100磅，女仔覺得瘦就係靚，但男人角度鍾意有少少肉，唔係瘦就靚。」
至於何時出發及拍攝地點，馬明表示暫時不便透露，只謂今次會去10多天，影完相會留在當地旅行，又自言不知詳情，因靚湯要保持神秘感，「佢話要畀驚喜我，唔係因為我口疏，佢話我好似食咗誠實豆沙包咁乜都講出嚟。不過可以講係會影自然啲嘅相，去外地影係唔想香港太熱。」