盧瀚霆邀偶像阿Sa做嘉賓

（星島日報報道）「教主」盧瀚霆（Anson Lo）前晚（25日）在亞博舉行第三場個人演唱會，邀得兒時偶像Twins的蔡卓妍（阿Sa）擔任嘉賓，一起跳唱《女人味》，追星成功的教主開心謂：「我細細個⋯⋯」阿Sa即帶笑歎氣說：「你講啦，我已無數咁多次面對呢啲情況。」教主隨即識做改口說是在「一」年前每星期日都去抽Yes!卡，抽不到Twins的卡就哭，更有齊Twins所有CD和海報。
阿Sa亦大爆早已認識教主：「好記得我識你嘅時候你好細個，喺一家串燒鋪，我哋一齊食串燒，嗰時你話我聽要去比賽，我仲叫你加油。」阿Sa坦言見到他在台上發光發熱，替他高興。