施德來稱「鬥黃」為增知名度 法官︰選民「點知你諗咩？」

（星島日報報道）　「35+」初選案續審，被告施德來昨於西九龍法院表示，在論壇上刻意以「進取」形象示人，增加知名度，引起曝光率及討論，而論壇後從網上輿論得知，自己希望表現更「進取」的計畫是成功的。對於施指曾提及否決所有撥款及議案，並不是他的實際想法或意圖，法官陳慶偉反問「選民點知你諗咩」，施坦承未曾在任何途徑向公眾交代自己根本沒打算及不會否決預算案的想法。
「我喺論壇嗰啲做法係刻意」

法官陳仲衡追問，施作供時經常說要「更進取」，實際上是否「鬥黃」的想法，施認同並表示是刻意營造，「我喺論壇嗰啲做法係刻意，希望選民可以留意得到，即使我無勝算都好，我都想營造民協一個改善嘅感覺」。

施稱於2020年1月起，定期在其Facebook上載名為「區政好書」的視頻。在6月為配合月尾選舉論壇中討論民主、自治、法治，以及《國安法》即將實施的議題，於視頻介紹一本名為《香港革新論二》的書。
聲稱當選後不會否決財案

庭上的謄本顯示，該集內容以加泰隆尼亞獨立的例子類比香港情況，施提出「香港人同樣地點解會慢慢趨向爭取獨立呢？好明顯我哋就唔想北京管治，唔想中共去管治香港，爭取我哋最大嘅一個自治空間」、「民主派即將舉行初選，我哋有一個目標，就係民主派喺立法會取得過半議席，透過喺制度裏面同中央角力，爭取我哋香港人最大既一個自治空間」。

施德來強調不會2次否決財案來爭取五大訴求，一旦當選「我當然會跟返民協去決定」，李官指其言論正正相反，施德來反駁「談判策略爭取籌碼唔會講出來，因為講咗等於林鄭知道底牌，佢自然覺得民主派過到半都唔會回應五大訴求」。法官陳仲衡追問下，施德來重申「我目標係爭取回應五大訴求，我都認為選民係真係希望五大訴求有回應，而唔係真係否決財政預算案，所以最終即使五大訴求冇回應都好，選民見到我哋盡咗力同林鄭磋商，甚至乎有啲威逼都好，我覺得盡咗個努力就已經冇欺騙到選民喇」。

施德來解釋，「6月份講攬炒呢個字，大家都會明白講緊否決財政預算案爭取五大訴求」，與戴耀廷文章無關。

施德來又坦承論壇上「願榮光歸香港你鍾意將佢改做數字」、「白色恐怖」等發言均為政治語言，直言「基本上論壇好多題目都估唔到，所以都係臨場諗一啲進取嘅用字去應對。」

案件編號：HCCC69/2022