林敏驄開騷多嘉賓 爆「阿女」郭柏妍失聯

（星島日報報道）林敏驄昨日到新城電台接受薛家燕訪問，為慶祝阿驄入行40年，家燕姐更專誠打造了一個寫有「演藝音樂奇才」的金手指公獎座送給阿驄，阿驄搞笑說：「家燕姐好有心，連指公都出埋！」又表示要送一個更大的「指公」作回禮。
阿驄將於下月在西九開騷，表示已準備得六六七七，嘉賓方面亦不斷有人自薦：「新人舊人都有，不過我由6時開始唱，冇乜時間限制，對觀眾嚟講好抵。」又透露除了有前輩級歌手外，亦邀請樂隊Kolor及廿四味：「一直好想同佢哋合作，好想唱Rap，但真係天分唔夠佢哋，新啲嘅有MC $oHo & KidNey，都會有好多Corssover合作，希望好似開Party咁。」問到「女兒」郭柏妍的練歌進度，阿驄就表示最近與對方失聯，希望她到時能好自為之：「至少要度咗期先，你知佢兩姊妹幾紅，蔓蔓（羅毓儀）都可以彈吓嘢，其實一家人都會嚟支持。」